啟德郵輪碼頭交通配套差，旅客無車搭，變相千人打蛇餅等的士，李衞就問責商務及經濟發展局局長卡片蘇。

李　衞：啟德交通配套差，搞到千人打蛇餅！

卡片蘇：又落雨又撞正上班時間，係難有的士駛入碼頭，相信全香港早上都會有呢個交通情況。

李　衞：咁你哋又唔諗辦法改善？

卡片蘇：已經通知的士台，叫佢哋入嚟載客！

李　衞：但旅客都係要等至少一個鐘先有車，依家一個泊位都搞到咁，遲啲第二個泊位開放，咁情況咪更混亂？

卡片蘇：我哋會盡量安排多啲穿梭巴士同的士！

李　衞：到時又出現咁嘅情況，咪又再獻醜！

卡片蘇：船到橋頭自然直嘛！

李　衞：唉，查實全香港官員都會有呢個辦事不力嘅情況！

卡片蘇：＊＆︿！＠％＃＠＃！！

第一手消息請下載on.cc東網iPhone/iPad/Android/Windows Phone Apps