繼畀人鬧爆低估旅客增長數字後，商務及經濟發展局局長蘇錦樑又衰多鑊，日前啟德郵輪碼頭又爆出逾千旅客打蛇餅等的士，反映碼頭交通配套失誤，再次失禮客人，個個都嬲爆話唔再嚟香港。明明係失職，蘇錦樑仲喺度賴天氣差，又賴話係上班繁忙時間，擺到明係塞責。咁趕客法，唔單止影響經濟收益，仲令香港蒙羞，畀國際恥笑，蘇錦樑係咪唔想做呢份工呀？
蘇錦樑
