城中鏡：李鋈麟揸防彈車唔驚冰雹

冰雹襲港，破壞力驚人，有說泊喺街嘅私家車被打中都有外傷，東華三院副主席李鋈麟就冇有怕，佢話：「哈哈，唔擔心，我架車係防彈嘅，莫講係冰雹，即使係槍都打唔入……」佢透露，其實落雹當日佢啱啱去咗廣東省，當地天都黑晒，佢都覺得天象確有唔妥。

李鋈麟話佢嘅防彈愛驅無懼冰雹。

有堪輿界嘅人士分析落雹係唔好嘅預兆，李鋈麟就從經濟循環分析，佢話經濟係三年一個循環，○八年金融海嘯之後，二○一一年本港經濟曾經調整過，依家進入第二個循環，估計今年經濟都會有調整，佢相信樓市或回落一成半至兩成左右，股市嘅波動可能更大到四成添，所以真係要小心。