城中鏡：輪后蔡秀虹六月做媽咪

做媽咪係女人嘅偉大升級，人稱輪后嘅法興證券環球股票產品部副總裁蔡秀虹（Eva）嚟緊六月中就會升任媽咪，尋日見佢腹大便便，但並冇一般孕婦嘅肥嘟嘟樣，Eva話，佢食極都唔肥，只係肥咗喺手指，結果搞到結婚戒指都戴唔落。

蔡秀虹六月便升級做媽咪。

三年前同任職科技界嘅老公結婚後，Eva並冇刻意計劃幾時添新成員，一切隨緣，依家有喜梗係好開心，亦知道自己佗嘅係仔，佢話好期待同囝囝見面嗰一刻，佢任職嘅集團近排延長咗產假，在職嘅媽咪可以放足十六星期，比之前多咗六個禮拜，難怪Eva咁開心啦。