阿保一族：點紙咁簡單
那些年，作為學生的我們，最重要的資產便是一堆筆記、練習簿和課本，脫離學生身份，資產頓成廢紙。此時，你選擇用來墊煲、放入回收箱抑或自製再造紙？其實，點「紙」咁簡單。Mary及Permanenze發揮創作小宇宙，前者用廢紙加工製成飾物，將環保戴在身；後者以廢卡紙摺成樂器Kazoo（卡祖笛），吹出綠色節奏。變變變，再造廢紙製品百變又自然！
Mary用廢紙加工製成手繩、頸鍊、耳環、髮夾等飾物，環保又新潮。
以演唱會入場券製成的紙鶴，別具珍藏意義。
旅行時所用的地圖亦是Mary的材料之一。
Mandy（左）、Alize（右）及另一位成員組成Permanenze，製作環保樂器。
動物造型的Kazoo十分可愛，深受大人及小朋友喜愛。（受訪者提供）
自言體內有愛紙如命基因的Mary，在她眼中沒有一張廢紙，所有紙都是用處無限，「細個已經覺得蛋糕啲盒好靚，會儲埋儲埋一堆整立體卡，後來儲埋演唱會飛、禮物包裝紙……直到大學，筆記就係我最多嘅收藏品。」大學時修讀心理學的她，與其他大學生一樣，與堆積如山的筆記為伴，每個學期完畢，筆記該何去何從？Mary留意到紙飾物在港並不常見，於是開始用舊筆記塗上自製防水物料，加工製成手繩、頸鏈、耳環、髮夾等飾物。既新潮又環保，「其實仲可以用啲有紀念價值嘅紙整，例如戲飛、去完旅行唔要嘅地圖，更加有意義。」
「依家啲人太自私，有唔執輸嘅貪心心態，好似好多大學生見學校有免費quota（配額）印嘢，就算冇用嘅筆記都會印，其實根本就冇必要，好唔環保。」Mary表示，環保應由自身出發，節制用紙，珍惜身邊一草一物。
扔垃圾時應思前想後
由Alize、Perry及Mandy組成的Permanenze同樣喜愛令廢紙重生。Alize指，全球過度包裝問題嚴重，宣傳單張、寫字樓製造的廢紙同樣是破壞地球的元兇。他們忽發奇想，以廢卡紙製作樂器Kazoo，「其實呢啲隨手可得嘅廢紙，本身已經有設計，Pattern（圖案）好靚同有風格，本身已經係材料，可以整好多嘢，唔一定要買新嘅材料。」
Mandy教路，Kazoo製作簡單，只要用卡紙畫出不同組件，組合後在笛身剪出氣孔，貼上雪梨紙作震動膜，便能吹出音樂。除了Kazoo，他們亦會以舊鐵罐製成ukulele（夏威夷小結他）。
Mandy也認為，地球資源並不屬於自己，扔垃圾時應思前想後，「應該諗吓係咪有另一個用途。」Permanenze意指永恒，希望地球資源能不斷循環再用，達到永續環保的概念。
