政壇：搞搞政：葉劉攻中產謀踢走公文袋

據說，該黨將集中火力於明年嘅區議會選舉，由於自由黨與建制派愈走愈遠，有關方面樂見新民黨搶攻中產票，公文袋喺港島區得番三個區議會議席，當中黎志強選區屬基層選區，較難硬撼，新民黨惟有將人力物力集中奪取康山、康怡兩大中產選區，現時該黨正物色合適人選攻堅，假如一次攻下，對該黨喺立法會選舉部署將大增籌碼。

港島南區成目標

港島南區亦係新民黨目標之一，但暫時情況唔係太樂觀，例如薄扶林選區，葉太一直想報當年陳岳鵬一戰之仇，奈何當區區議員司馬文戰鬥力強頑，而且當區外籍人士眾多，該黨難以挑戰，只能寄望其他選區。