本地銀行呢輪好多消息，渣打集團重組方案已經塵埃落定，其中一個觸目嘅變動係洪丕正更上一層樓，尋日正式紮職出任集團大中華區行政總裁，同時仲會繼續兼任香港區行政總裁！今次任命之後，洪丕正將會管理中港台三地嘅渣打業務。

洪丕正昨日獲新任命，以後將管理中港台三地嘅渣打業務。

洪丕正一九九二年加入渣打，先後喺香港、英國擔任多個重要職位嘅洪丕正，企業、商業、零售銀行、投資者關係呢幾瓣都難佢唔到，紮職之後，佢會繼續直接向集團執行董事兼行政總裁白承睿匯報，白承睿講到呢個下屬亦讚不絕口，猛話「有信心佢會繼續帶領大中華地區，為渣打再創佳績！」

第一手消息請下載on.cc東網iPhone/iPad/Android/Windows Phone Apps