前港姐袁彩雲同加拿大籍飲食界才俊婚後育有一子一女,雖然一家人已定居加拿大,但佢閒時亦會返港探望親友。早前佢胞妹喺香港開設幼兒學院,胞妹做校長,而袁彩雲亦有份投資,佢話會利用玩遊戲同話劇,從中讓小孩學習英文、普通話、德文同法文。

喺外國長大嘅袁彩雲話唔會做怪獸家長。

問到會唔會親自做導師?袁彩雲話:「教咗自己嗰啲先,囝囝依家七個月大。」佢又話:「我做演藝界好少同小朋友接觸,生完先知點教。」喺外國長大嘅佢表明唔會做怪獸家長,又話:「加拿大生活唔緊張,我唔會逼得太緊,但一定會安排興趣班畀佢哋去發掘自己興趣。」

第一手消息請下載on.cc東網iPhone/iPad/Android/Windows Phone Apps