SUN搞作：少膽虫手記︰預早送禮
少膽虫返到公司，見到門口有堆裝飾，有一堆生果疊晒喺度，啲蛇果嘅顏色仲要好鮮紅，睇落去似日本空運到港嘅富士種，叫少膽虫欣喜若狂，除咗《爛果》嘅支持者，仲有邊個會咁有心？一向都好有淫賤黎心嘅少膽虫，馬上一個箭步，直奔上「天庭」，講畀淫賤黎聽呢個好消息，等佢開心吓，博個加人工嘅機會。
一打開門，少膽虫就情不自禁撲過去淫賤黎度，「黎黎！我啱啱獨家收到個天大喜訊呀！」豈料，淫賤黎一掌推開投懷送抱嘅少膽虫，臉帶厭惡咁講：「行開啦衰虫，好惡心呀！」少膽虫馬上施展擦鞋功，「腦細，有支持者嚟門口送生果畀我哋呀！你睇《爛果》幾受歡迎！」淫賤黎馬上面色一變，攬住少膽虫，「哈哈！咁難得？即刻落去影相，聽日做頭版！」
去到大門，淫賤黎見到堆生果，即刻衝過去，當佢拎起個蛇果，卻見到上面刻有：「清明拜山」四隻大字，少膽虫今次大鑊喇……
