有驚無險，哈爾濱銀行終於上到市，仲送咗一個好大嘅銅錢畀港交所做上市禮物，而個銅錢係用黃水晶造，上面仲刻住「普惠金融」四個字，公司望用小額貸款幫到全中國有需要嘅人。
呢種胸襟同古時嘅俠氣有點相似，「普惠金融」概念可以幫到好多喺內地實力冇咁深厚嘅中小企業，唔單止係國企或者大公司。哈行董事長郭志文都好似大俠，喺踏正九點半開市嘅時候，拎起支鼓棍，大力擊鑼，繼而大叫，「吼！」好有東北大漢嘅氣勢。
