政壇：馬廖千睿食譜收益行善

港區全國人大代表馬豪輝太太Elaine馬廖千睿，最近用自己嘅落廚心得撰寫咗本烹飪書，將各種傳統菜式同甜品食譜傳授畀天下女兒，並將收益撥捐畀兒童癌病基金及脊髓肌肉萎縮症慈善基金。

馬豪輝（左）有幸日日享用太太煮嘅菜。

話說Elaine同囡囡都好鍾意烹飪，兩母女平日唔止會一齊去各國學整甜品，仲會互相鑽研廚藝，囡囡仲特地請咗兩日假幫媽咪本新書做校對添，可以話廚藝將母女關係拉得更近。

今次佢本新食譜有好多相片都係以婚嫁為主題，好似變成囡囡嘅嫁妝咁，將自己喺奶奶身上學番嚟嘅珍貴手藝代代相傳畀囡囡，入面嘅菜式經佢悉心挑選，全部快靚正兼容易煮，方便時下事業女性放工後都可以快快煮番餐。