SUN搞作：少膽虫手記：另類截流
「一格廁紙，其實往往只係用到三四成嘅面積。」淫賤黎會上示範截流新招：「譬如啱啱我就做咗個實驗，好似我咁澎湃嘅人，都用唔到五成。」淫賤黎又拍掌示意，少膽虫立即向會眾展示一堆樣本，果然無乜污漬。淫賤黎續話：「大家睇到啦，呢啲係少膽虫辛苦收集嘅廁所樣本，無呃你嘅！所以呀，除咗炒人，我決定以後廁紙只准用半格！」
「腦細，本身一格廁紙已經唔夠用，依家用嗰隻仲要薄CHEAT CHEAT，再要分一半用，咁不如用手指？」肥豪對好多嘢都無要求，唯獨生理上問題，都忍唔住要開口。「邊個叫你返工去廁所先？」少膽虫未等腦細開口，就駁斥呢啲歪理：「你哋嘅排泄系統係唔係唔配合公司截流先？」
「唔係喎，good idea喎！秘書同我mark低以後用手指嘅建議。」淫賤黎卻如獲至寶咁講：「不過肥豪講得啱，依家啲紙係太薄，不過我保證，好快會引入新廁紙，仲係彩色有香味添！」會眾聞訊歡呼拍手。
「咁少膽虫，借你菊花一用！」淫賤黎轉頭話。少膽虫心中一震，又聽見淫賤黎講：「今晚印好賣唔出嗰堆紙，你拎返屋企試用，寫番個report畀我！」
