有地區巴士路線擬重組,將取消多條路線及削減班次,居民當然唔滿意,即刻去搵運房局局長炳炳問個明白。
居民︰依家等車要二十分鐘,再減班次咪等成粒鐘!
炳炳︰咁做都係為大家好。
居民︰仲亂講,遲到有咩好?
炳炳︰香港人生活咁忙碌,等耐啲咪可以借機會放鬆吓囉。
居民︰愈等愈躁就真!咁取消路線呢?
炳炳︰都係為大家好。
居民︰車都無得搭,唔係要我行吖嘛?
炳炳︰啱喇,香港人少運動,無車搭焗行路,仲唔係有益健康?
居民︰@##$$%%^^