自從○八年當選後，立法會議員謝偉俊（Paul）一直保持獨立之身，尋日佢聯同黃大仙區議員李達仁親自落區擺街站提供法律意見，遲啲仲諗住買番架廿八座Van仔作為流動法律諮詢車喎！尋日有幾十個街坊去現場搵佢，大部分都係老人家，唔少人都想問問百年歸老後安排，包括立番張平安紙。
政界有傳阿Paul一六年諗住越級挑戰「超級區議員」議席，仲已經物色緊落戶邊個區議會，但佢就話暫時未有打算，先服務本區居民先。佢又話，今次落區都係試下水溫，睇吓將來點喎。
