SUN搞作：少膽虫手記：自作孽不可活
「嗚呀！」肉體與肉體碰撞，汗水與汗水交融，一個一個壯漢輪流上前，少膽虫就好似一部畀人發洩嘅機器，「完未？究竟完事未？呢場噩夢究竟完未？」
半個鐘前……
「救命呀！救命呀！」少膽虫走投無路，十幾個彪形大漢圍住少膽虫，一副急不及待食咗少膽虫嘅樣，「走？睇你走得去邊！你都係乖乖地，放心，唔痛o架，一陣就搞掂！」壯漢向少膽虫步步進逼，「唔好呀，我會嗌o架！」
「你咪嗌囉，嗌得再大聲，都無人嚟救你！」壯漢嘲笑道。少膽虫遙望淫賤黎間房，竟然見到淫賤黎企喺窗邊，眼白白睇住少膽虫被蹂躪，無意施以援手，冷眼下仲不時露出一絲微笑。少膽虫見勢色唔對，苦苦哀求，「冤有頭，債有主，你哋要搞就搞腦細，唔好搞我！」不過位位壯漢蓄勢待發，毫不理會少膽虫，「我哋唔理咁多，只怪你唔好彩，你就畀我哋舒服吓啦！」
終於，最後一位壯漢都肯收手，「腦腫，炒人肥上瘦下邊有咁易，依家打完你一身，我哋個心都舒服番啲！」
