香港國際七人欖球賽係本地體育盛事，對居港外籍人士尤具吸引力，早前傳三日套票黑市價盛惠七千元，炒高咗三點五倍，多間外資大行更爭崩頭撲波飛。外電報道，幾間知名大行就非常揼本，以高逾四十萬元訂包廂，令一眾高層和客戶舒舒服服睇波。

由於賽事緊接瑞信亞洲投資論壇，相信唔少與會嘅央行和企業代表都會乘機留港，贊助商之一的滙豐銀行贊助及項目總監莫嘉樂（Giles Morgan）坦言，欖球賽係一個絕佳嘅藉口，讓全球商界領袖聚首一堂。

雖然話一票難求，但大會今年都有新搞作，喺中環新海濱整咗個HK Fan Zone，四部大電視全程直播，無得入大球場都可以睇得好過癮！

第一手消息請下載on.cc東網iPhone/iPad/Android/Windows Phone Apps