尋日中午見到「玩具大王」蔡志明喺兩名保鏢陪同下，抵達灣仔嘅名人飯堂。身穿西裝嘅蔡志明一落車即刻急步入內，在場嘅記者向佢打招呼，佢亦友善回應，仲八卦笑問：「咩事呀？」保鏢即緊張走近記者，佢就步入升降機。

蔡志明尋日現身名人飯堂，友善回應記者提問。

食完晏之後，蔡志明離開時，有記者恭喜佢做爺爺，又問剛懷孕嘅新抱仔汪圓圓依家情況點？蔡生心情大好，又主動反問：「哦，問圓圓？成日嘔呀！」咁圓圓仲去旅行，擔唔擔心呀？佢話：「佢（圓圓）同Karson去唔擔心，佢哋一齊去歐洲。」問佢第一次做爺爺，心情如何？佢就笑晒口，至於送乜嘢畀孫仔？佢話：「無呀。」然後就匆匆登上座駕離開。

第一手消息請下載on.cc東網iPhone/iPad/Android/Windows Phone Apps