蒙牛意外染藍後出第一份業績，並無令市場失望，就算扣咗雅士利嘅貢獻，份業績都好省鏡，尋日總裁孫伊萍梗係滔滔不絕咁講咗成個鐘，但為咗唔令全場釣魚，佢個present計過度過，最醒神嘅就係話蒙牛今年嘅關鍵字係IPO！吓？

孫伊萍尋日用三個英文字令大家無瞌着。

唔通係分拆？第二上市？No No No！孫總一向都好識present，甚有大將之風，佢仲知道香港市場大家都對IPO好敏感，所以尋日度咗條橋，用呢三個英文字令大家無瞌着。當然全場即刻醒晒啦，話晒近排新股市場乃大眾焦點，而蒙牛做咗國家隊後又動作多多，莫非佢染藍後又有乜大計？

孫總就慢慢解畫話，今年蒙牛嘅關鍵策略就係IPO：innovation（創新）、integration（整合）；performance（表現）和open & transparency（公開及透明），明晒！簡單啲講，咪就係營銷、產品都創新；整合兩大外國品牌合作夥伴——達能、Arla Foods（愛氏晨曦），以及雅士利提升效率表現，仲要提倡企業陽光氣息嘅文化喎！

第一手消息請下載on.cc東網iPhone/iPad/Android/Windows Phone Apps