SUN搞作:sun官場現形記:大人都唔可以縱
今時今日,家長咩都可以投訴,難為老師又要教書又要應付無理要求,疲於奔命。可惜教育局局長吳得掂一於少理,呢日佢終於自食惡果。
吳得掂︰呢位家長,有咩可以幫到你?
家長︰返學時段交通擠塞,我要你准我個仔返學遲五分鐘。
吳得掂︰咁……我盡量安排……
家長︰啊,橫掂都係喇,呢排拐子佬又咁猖狂,不如成間學校搬嚟我屋企樓下。
吳得掂︰咁……似乎有啲難度……
家長︰有難度?你即係唔理我個仔嘅安全啦!
吳得掂︰你逼我都無用,我真係無計。
家長︰咁好喇,我換個要求。
吳得掂︰好好,咩要求我都應承你!
家長︰你罔顧我個仔嘅安全,我要求換局長,幫我處理問題!
吳得掂︰@#$$%^^