政壇：免蹈「廢鑊」覆轍 高永文避遠行
好多政界中人士周不時都去歐洲旅行，但食物及衞生局局長高永文就自爆好耐冇去過歐洲旅行，皆因擔心如果香港出現突發事故需要處理，就唔可以喺短時間內飛返香港。佢話依家最遠都只係夠膽去東南亞旅行，相信要留待卸任後先有得去長途旅行，同前局長「廢鑊」周一嶽嘅表現真係天淵之別。
高永文
高永文解釋，周一鑊在任時試過同老婆去長旅行，點知撞正香港爆發豬流感，搞到要搭成十幾個小時飛返港主持會議，真係等得佢返嚟蚊都瞓。為咗唔好重蹈周一鑊覆轍，高永文依家連放假都唔敢離開香港太遠，對上一次同太太去旅行都係揀馬來西亞檳城，貪佢坐幾個鐘機程就到。
就算係平時要履行局長職責外訪，高永文都唔會去得太遠，最遠都係去過英國。不過，五月喺瑞士日內瓦舉行嘅世界衞生大會，高永文就點都要代表特區政府出席嘞！
