中銀香港上年業績創新高，副董事長兼總裁和廣北終於可跟隨公司表現加人工啦！佢嘅整體酬金會由前年嘅一千一百九十三萬加到一千二百七十一萬元，增幅都有成百分之六點五。
和廣北
記得前年中銀香港業績都唔錯，但和總冇得享受盈利成果，整體酬金仲少咗百分之二點一七，主要係因為花紅按年大減超過一成五。上年一千二百七十一萬元入面，其中四百二十八萬，即係近三分一係花紅，未知和總滿唔滿意呢？
