床褥公司老闆鄔友正同老婆、前港姐翁嘉穗尋日出席一個活動，翁嘉穗透露由於現年十三歲嘅囝囝要返學，所以冇同佢哋一齊嚟，又話亦有想過送囝囝到外國讀書，但佢又唔捨得，希望大學先送佢過去。問怕唔怕囝囝喺外國會學壞？佢坦言會擔心，所以會小心挑選學校。

翁嘉穗同老公鄔友正斟緊金秀賢來港出席旗下公司嘅活動。

至於囝囝依家有冇追女仔？佢笑言：「未有啩？佢有時都會同我傾偈，但講啲唔講啲，又問我細個有冇呢樣、嗰樣，我問佢點解問，佢話冇嘢，試探口脗問。」囝囝會唔會揀港姐做女朋友？佢就話冇特定，心地要好。此外，提到佢曾透露想接洽韓星金秀賢來港出席旗下公司活動，佢坦言傾緊，話金秀賢個期好爆。至於金秀賢四月來港，到時會唔會傾得埋，佢就話交畀marketing嘅同事跟進喎！

第一手消息請下載on.cc東網iPhone/iPad/Android/Windows Phone Apps