著名女建築師Zaha Hadid尋日訪港，仲介紹佢為水晶品牌設計嘅兩款塔形花瓶。佢透露花瓶嘅設計靈感源於水狀的流線型，又話：「透過液體嘅動態，帶嚟形狀上嘅動感。」曾以不銹鋼來打造花瓶嘅佢，今次用上水晶做素材，又透露兩種物料都有好強嘅反光度，但水晶就要考慮其折射特質，所以設計時要考慮光影的變化。咁會唔會考慮設計以香港為主題嘅藝術品？佢笑言：「所有高嘅嘢都同香港好襯。」

Zaha Hadid介紹由佢設計嘅塔形花瓶。

而擔任活動司儀嘅黃宇詩就透露將會開內衣店做老闆娘，佢話：「其實我喺網上賣內衣都賣咗兩年幾，依家投資六位數開實體店，希望可以喺五月左右開舖。依家全力搞生意，所以都推咗三套舞台劇，真係覺得唔好意思。」

第一手消息請下載on.cc東網iPhone/iPad/Android/Windows Phone Apps