SUN搞作：網絡小說：藍綠口水戰
台灣學生反服貿，佔領立院如火如荼，港男港女為此大吵一場。假台灣人港男說：「雞排妹都拋個身出嚟反對，點可以唔同佢並肩作戰？」
「雖然佢巢晒皮，但我都係鍾意英九哥多啲！」大中華膠港女：「英九哥唔係689……萬人支持咩，正所謂唔啱咪等四年後再選過嘛！而且英九哥同其他WTO成員簽就無事，同大陸簽就反對，逢中必反，根本係綠營陰謀！」
「藍營賣台就真！」肥屍大怒反枱：「台灣明明就好包容你哋啲來自中國特區嘅女同胞租客！都無話你哋蝗蟲啦！」港女被刺中痛處，哀號：「講還講做咩講我哋啫？講到尾你哋只准綠營放水，不准藍營賣台！」
肥屍聽後也明白，搞來搞去，一個小國本來就難獨善其身，嘆口氣問：「台灣如果唔想逢中必反，又唔想逢中必撐，唔想親中，又唔想親美，可以點？」
「惟有靠對岸憤青！」港女想了想，便獻策：「用口水淹沒呢個鬼島！」
