SUN搞作:SUN官場現形記:攞架嚟丟
周一鑊唔知醜,向學生宣揚友愛,點知一開口,就畀學生揶揄到口啞啞,自己攞架嚟丟,真係無得賴人。
設計對白
周一鑊︰大家要同身邊嘅同學仔互助互愛。
學生︰不過,聽聞你以前喺大學都係蝦蝦霸霸,用噪音去煩啲師兄。
周一鑊︰……唔係噪音,係歌聲……
學生︰用歌聲都可以做惡霸,你都真係第一人。
周一鑊︰其實呢啲係愛嘅表現,大家老友先咁做……
學生︰哦!原來如此!
周一鑊︰係呀!大家終於明白我一片苦心啦。
學生︰Yo Yo Yo少「你」……
周一鑊︰你哋做咩要少我?
學生︰你講咩,我哋唱緊尹光嘅《少理阿爸》嚟向你傳達愛呀!
周一鑊︰@#$$%%^&^