政壇：盧偉國帶團豪遊西伯利亞

立法會工程界議員盧偉國上任專業及資深行政人員協會（專資會）會長無耐，櫈都未坐暖，下月中就帶隊考察山西，而身兼香港山西商會會長嘅胡曉明第一個報名，常務副會長黃偉雄、副會長吳長勝、梁廣灝等都加入「鴨仔團」。

盧偉國（右）同楊章桂芝分別帶領專資會成員考察山西同西伯利亞。

考察完山西之後，七月再遊西伯利亞，剛升呢做理事嘅新華旅遊董事總經理楊章桂芝將會帶隊。呢條線路好冷門，團友會先飛往蒙古，然後登上火車後駛往莫斯科，乘客透過車窗欣賞西伯利亞大草原風光同俄羅斯城鎮風情。原來佢哋已計劃乘坐豪華到極嘅「金鷹號」列車，難怪團費要成十多萬元，但會友話有機會開眼界，貴一貴都值得。