政壇：莊偉茵化身影迷公主

早前中電搞員工春茗，仲大玩復古風，好多人都以七十年代嘅流行裝束赴會，令會場恍如時光倒流。中電企業發展總裁Quince莊偉茵更粉墨登場，以影迷公主嘅造型獻上勁歌熱舞，將氣氛推向高潮。Quince話佢嘅裝扮係以年輕陳寶珠為藍本，所以頭箍同長假髮一定唔少得，加多副懷舊太陽眼鏡，增添幾分星味。不過，講到一身衣着嘅焦點，就肯定係已經難得一見嘅喇叭褲喇。雖然Quince嘅懷舊裝束維妙維肖，但為免跳舞「拗柴」，佢話唔敢着鬆糕鞋上陣喎！