SUN搞作：少膽虫手記：走投無路
又到咗放工嘅時候，同事們逐一執拾細軟回家，公司只剩下少膽虫坐喺位度，繼續工作。正當少膽虫埋頭苦幹之際，突然整層樓的燈光熄滅，電腦跳到黑色的畫面，冷氣機的聲響亦隨之消失。少膽虫嚇到大叫，「撞鬼咯，咩都熄晒！」
當少膽虫思考究竟發生咩事時，隔籬就有把鬼聲，「虫，我呀，腦細呀，做咩半夜流流仲唔走？」少膽虫心驚膽跳：「腦細，你喺邊呀？呢度黑麻麻，我見唔到你呀！」淫賤黎一手攬住少膽虫飲泣：「壹全霉蝕到渣到冇，又畀人抽廣告，仲要加薪畀你班契弟，依家電費又話會加價，我真係走投無路，要節流呀！要縮減開支呀！嗚嗚！」
「所以就咩燈油火蠟都熄晒，為咗慳錢？」淫賤黎點點頭，男兒淚繼續流。作為腦腫嘅少膽虫，除安撫腦細外，亦都要諗辦法，「腦細，咁樣熄法，都幫唔到啲咩o架……」「《喪報》經已摺埋，難道《爛果》都要……」突然少膽虫靈光一閃，「唓，減開支咋嘛，縮吓紙、炒吓人，條數仲襟計呀！」淫賤黎聽完即展露笑容，「虫虫都係你最叻！錫晒你！」
所以壹全霉宣布為了縮減開支5%，將會刪減版面及裁減人手，哀哉咯！
