SUN搞作：網絡小說：超支又如何
「唉，你再係咁落去會玩完o架！」醫生摘下聽筒，苦口婆心地勸：「你再咁樣入不敷出，超晒支透晒支，最後只會不支！」
「入不敷出？」貪曾將其麻甩白色背心穿回，憂心忡忡問：「我明明已經食咗好多補品，上至鮑魚汁下至豆漿，所有有營養嘅食物，食得嘅都已經食晒落肚，咁都唔夠？哦，你一定係話我超脂啦？咁梗係啦，茅台紅酒呢啲係無咩營養，容易搞到脂肪積聚肝硬化，但係自從無得公款吃喝之後，我少飲好多啦，都係擺喺屋企收藏炫耀，咁點會仲有超脂喎！」
「其實我只係想話，」醫生一邊寫字一邊說：「評論一下政治，批評你嘅十大基建亂咁嚟啫，同你健康無關。我睇你行得走得黐飲黐食，有排未死得啦。嗱，你嘅！」貪曾從醫生手上接過報告，道：「妖，早講啦！唔好阻住我去claim保險先得o架！」
