生前壞事做盡，貪曾落地府見閻王之時，左右鬼卒磨刀霍霍，閻王也磨拳擦掌，都想狠狠地懲罰這件驚天地泣鬼神的蛋散。誰知一打開貪曾的生死簿，閻王卻呆了一呆。

「吖，你條短命種，居然燒檔案燒到去閻王府！」閻王對住這部缺頁的生死簿，怒火中燒：「估唔到你唔立檔案法都算，你竟然連我嘅人都收買咗添？」

「哈哈哈！你太幼稚啦！」貪曾高舉手銬大笑：「你唔知呢個世界有樣嘢叫『地下共剷檔』咩？一早埋伏喺你身邊啦，閻王！家陣無證無據，你好快啲放咗我！」

閻王大駭，望望左右鬼卒，心中茫然，忽然瞥見紙角上有幾行未被燒去的文字：「某年某月，於公帑出遊期間，偷睇阿婆沖涼……啊！天網恢恢，淨係呢條罪都夠你死十次！來人，拿下！」

貪曾已嚇成尿濕一片，張口結舌，直到快被拖去落油鑊上刀山之際，方才急中生智，高聲反駁道：「我記得喇！係偷睇阿婆沖涼茶！你唔畀佢燒走咗隻字呀？」

「畀！」閻王自信滿滿，從懷裏取出一份報紙，登時陰氣盡去，萬道金光閃耀：「不過好彩仲有正義傳媒存檔，你都係要死十次！同我大力啲拮佢！」

第一手消息請下載on.cc東網iPhone/iPad/Android/Windows Phone Apps