前海事處處長波波正式退休，南丫海難質詢卻未完結，但波波唔使再跟進事件，李衞知道波波甩身，於是搵佢問話。

李衞：你就側側膊鬆人走，唔使理南丫海難嘅嘢啦！

波波：唔關我事o架！咁要換新處長嘛，我仲可以點跟？

李衞：上次開會又唔講吓海難嘅事？

波波：會議時間不足嘛，我都唔想o架……

李衞：咁出席下次嘅會議呢？你又拒絕？

波波：哈，海事處都幫我拒絕咗個會啦，都唔關我事呀！

李衞：咩都話唔關你事，咁海難嘅跟進工作點先？

波波：唔關我事囉！我都退咗休啦！係關都係關新處長綸綸事！我就歎世界啦，仲要理海難件事？咁咪即係攬屎上身……

李衞：＆＠＃！＾％＆！！你呢啲做官嘅，甩身就最開心！

第一手消息請下載on.cc東網iPhone/iPad/Android/Windows Phone Apps