東方報業集團旗艦網站「on.cc東網」向來深受政商界人士歡迎，無論遠在北京人大政協兩會會議，甚至去到俄羅斯及波羅的海，都有議員或市民捧場，確係無遠弗屆。好似屯門區議員陳雲生同龍瑞卿兩夫婦，近日就跟旅行團去咗俄羅斯及波羅的海三國旅行，日前仲喺社交網站留言，話身在立陶宛酒店睇「on.cc東網」一樣咁清楚，名副其實係「上東網，知天下」！

陳雲生夫婦去到立陶宛Trakai Island Castle時，當然要影番張相留念啦。（互聯網圖片）

陳雲生去到立陶宛都不忘上「on.cc東網」了解新聞。

陳雲生透露，佢參加嘅俄羅斯十天旅遊團當中，有唔少港人團友都係日日睇「on.cc東網」，話無論身處立陶宛、拉脫維亞或愛沙尼亞，都清楚了解到香港發生咩事，比起以前打長途電話返香港了解情況，真係慳番好多電話費，所以，依家睇少日東網都唔舒服喎！

第一手消息請下載on.cc東網iPhone/iPad/Android/Windows Phone Apps