政壇：毛妹身體力行助鄉郊童
國際培幼會「愛．女孩」大使──藝術教育家（芭蕾舞）毛妹同 JEMS Learning House創辦人及校長、前高官馬時亨嘅大女劉馬露明，鼓勵學生一同身體力行，支持協會於四月二十七日喺西九龍海濱長廊舉行嘅「培您童行」步行籌款，當日同學將有機會試試特別設置嘅多個體驗區，一嘗發展中國家嘅小朋友每日所面對嘅挑戰，而善款將會支持協會喺中國寧夏自治區嘅教育項目。
毛妹身體力行，支持步行籌款。
劉馬露明（左）兩公婆為活動拍攝宣傳照。
毛妹話希望大家帶同孩子參與步行籌款，一同感受鄉郊兒童上學嘅崎嶇路，讓孩子更懂得珍惜自己所擁有嘅一切。
其實，劉馬露明早前仲搵埋老公一齊為活動拍攝宣傳照，佢話參與步行籌款不但幫助咗寧夏自治區嘅孩子，亦同時教導香港嘅兒童關心他人及向別人伸出援手嘅重要性，希望大家也能一起支持！
