留千字遺書灰爆廿歲仔失蹤

失蹤青年利樹源，有八兄弟姊妹，利排行第三，一家十口居於禾輋邨協和樓。據悉，阿源中學畢業後，曾到區內一間酒樓做了點心學徒一年，期間「學壞」，跟隨損友賭波又賭馬。初時只會小賭十多元，後來愈賭愈大，由數千元甚至達一萬元不等。

學做點心常捱罵

利父見狀大為憂心，於是聯絡相熟點心師傅「標哥」，介紹阿源到對方酒樓工作。現時阿源已在該處工作半年多，每日工作十一小時，月入近一萬五千元，但每月只會留四千元給自己，其餘交由父親幫他儲蓄。阿源在遺書中指上司常對他指指點點。

據二哥表示，阿源最近經常透露工作不開心，「佢覺得自己好冇用，做嘢又蠢又慢，成日都要人幫手」。家人日前收到財務公司的信件，始得悉阿源欠下五萬元賭債，父母雖曾責罵，但仍願代還清債項，利父見他工作不如意，打算下個月為他另覓新工作。當時阿源情緒也無異樣，更表示決心痛改前非，向家人承諾不會再沉迷賭博，會專心工作。

以大博大 想扭轉命運

周三深夜十一時許，阿源身穿黑白色間條衫、藍色長褲及黑色拖鞋離開住所，胞妹阿欣看見，以為阿源只是上班。詎料，利父後來收到酒樓來電，始得悉阿源根本無上班，心感不妙。後來翻查阿源的日記簿，發現他離家前留下七頁紙遺書，用洋洋千字剖白自己的內心世界，包括他如何看自己，如何看父親，以及對上司、對工作的看法，解釋想透過賭錢改變命運的理由。他痛恨自己「生得蠢」，被人看不起、被人排斥，得不到父親理解，賭輸錢令自己好痛苦，自責是自己一手造成，對父母感到歉疚，希望「細佬妹生生性性，聽教聽話，讀好啲書做到有用嘅人」，又希望來生與父親再做父子。

利父擔心阿源做傻事，二十日早上十時報警求助。警方派出機動部隊警員在邨內搜索，期間翻看大廈的閉路電視錄影時，發現阿源於前日凌晨四時許曾返回大廈，但卻沒回家，由後樓梯離去，警方昨日發出尋人呼籲。

阿源家人兵分多路四處尋找，利父擔心愛兒會做傻事，一度跑到城門河查看，又聯絡阿源朋友協助，阿源胞妹亦在社交網站上廣發尋人告示，而阿源的友人亦留言勸他不要做傻事。

昨晨十時許，新界南總區失蹤人口調查組人員到阿源家中調查，又到大廈十二樓天台巡視。現時阿源仍下落不明，家人憂心忡忡，阿源父母更茶飯不思，徹夜難眠，苦盼愛兒平安歸家，利母表示：「我會叫佢重新嚟過，唔好諗咁多喇。」二哥也衷心指：「希望細佬回心轉意，屋企人鬧佢都係擔心佢，想佢好，希望細佬快啲返屋企。」

遺書節錄

「我知道自己好蠢生得，做嘢又唔叻，又冇記性冇Q用…… 我真係甚至好鬼憎我自己……」

「所以有錢人真係好過冇錢嘅窮人十倍有多……至少起碼佢哋唔會為咗錢而不安、不快、不開心……」

「我覺得最可憐嘅人並唔係窮人，而係好似我呢啲咁蠢、又冇記性嘅人。人就算窮都仲可以依靠雙手去搵食，但人蠢的話，呢個世界就未必會容納、接納你……我只會被人排斥……」

「我知道我好貪心，想以大博大，但可惜一轉頭就咩都冇晒，更加之窮……其實痛苦係我自己建立，亦係我自己一手造成的……」

「窮可能係一會兒，一段時間，但蠢卻係一輩子……」

「我覺得自己係一個負累，老竇你根本揹唔起我……」

「不過咁又係嘅，冇人會明白我哋呢啲智商低嘅人諗咩，只有叻嘅人先至可以統治天下……」