叻嘅人，即使身陷逆境，也能淡淡定處理，反敗為勝；渣屎人，就算有大好形勢，往往都將好事變壞事，一敗塗地收場。

香港政改是民生禍福的基石，不容有失，可惜，在大群無知無耻無能的政棍把弄下，搞到一pat屎咁，冤崩爛臭，無法收科。

香港廢柴政府高層好弱智地，以為搞吓早餐聯誼，讓西環帶信人高調派聖旨，就當做咗嘢，唉！咪咁低B幼稚啦！終於，咪係茶檔搭枱般「各自表述」。一早預咗會係咁o架啦！玩政治，點都係阿爺勁揪啲！依家，中門大開，請你班反對派泛民返祖家「參觀」，睇吓你哋有幾多斤両！

呢幾日，筆者眼見班泛民頭皮爆的愁樣，唔知點拆，去上海又死，唔去又死，真係戥佢哋淒涼！嗱！本着「香港好、中國好」的大前提下，贈佢哋兩條好橋，攞去使啦：

一．公開的做法，唔係只要求取回回鄉證咁低水平的抗爭，而係要求「無保皇黨喺度暫亂歌柄」的「單獨見面」嘅過程，要有電視台作全球或全國或全港直播，咪畀人再話「引述不實」，咁亦可以一洗香港市民對你班「飯民」「賣港」的指控。當然，你哋嘅提案，必然係符合香港利益，和真實民主的呀！即使中方不答應，你哋除咗向港人有所交代之外，也將「民主的核心精神」藉此向祖國同胞展示講解，有助加快中國民主進程，真係你哋一小步，中國一大步呀！

另一招，係要秘密進行，唔可畀樹根和元秋知的，否則，佢哋偷橋先做，又話自己成功爭取o架啦！係乜嘢絕招？就係趁遊覽黃浦江時，突然「佔領上海灘」，學台灣學生，毋須分批商討，突擊行動，並接力絕食（裸跑就更好），咁就WIN硬囉！千祈咪話屎橋呀！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps