少膽虫今日返工，一堆面青口唇白嘅員工即刻行過嚟，真係財神都畀佢哋趕走呀！「腦腫，你快啲入腦細房啦，佢……佢就摺埋喇！」聽到呢句，隻眼細過豆豉嘅虫眼即刻變成金睛火眼！

「腦細，你睇開啲啦！」入到房，驚見淫賤黎拎住部平板電視，個頭哄到好埋，目不轉睛咁睇，邊睇邊喊。淫賤黎聽到少膽虫把聲，依然抬唔起頭，「點解前日拖篋出街就畀人打？我係替天行道呀！」原來淫賤黎仲為畀市民用殺蟲水噴而唔開心，「腦細，你係咁睇電視於事無補喎！我哋要團結一班支持者……」話口未完，淫賤黎突然大力擠壓手中的平板電腦，一雙肥手用力之下，電腦竟有摺埋之勢！「依家連數據都玩我呀，試極都收唔到爛電視訊號！」

「腦細，篩選過晒喇，剩係可以二揀一，好『民主』！」淫賤黎即刻一腳飛毛腿踢來，「《爛果》最叻就係搵窿捐！你快啲同我攻入市場呀！」唉，原來又有苦差……

第一手消息請下載on.cc東網iPhone/iPad/Android/Windows Phone Apps