SUN搞作:sun官場現形記:冇用o既
港鐵車廂成日逼爆,繁忙時間更加針都插唔入,而且呢排仲成日故障,搞到乘客叫苦連天,惟有搵負責處理嘅運房局局長炳炳投訴,點知……
乘 客︰局長,港鐵成日出事,點算先?
炳 炳︰我哋關注緊。
乘 客︰唔好得個講字,開多啲巴士線分流吓。
炳 炳︰冇用嘅,咁多巴士咪盞搞到路面擠塞。
乘 客︰港鐵成日壞,不如派官守董事監察吓啦!
炳 炳︰冇用嘅,官方代表喺港鐵董事會只佔少數,幫唔到手。
乘 客︰咁一係成立獨立委員會調查港鐵事故嘞!
炳 炳︰冇用嘅,港鐵自己已經搵咗專家調查啦。
乘 客︰樣樣都話冇用,其實最冇用嗰個就係你!
炳 炳︰冇用嘅,你點鬧都冇用o架啦!
乘 客︰#!#$%@#%@#$