最新版，英國牛津大學出版社的《牛津字典》收錄了Hong Kongese和Hongkonger兩個字，同作「香港人」解！

作為世界級有分量的字典，不會阿豬阿狗的字都亂收錄的！今日，將「香港人」入冊，除肯定了「香港人」的地位外，還顯示「香港人」在國際間的重要性！嗱！即使中國首都「北京」，及第一對外商港的「上海」，也沒有英文Beijinger或Shanghaiese上榜，就算存在兩世紀的Cantonese，坊間也理解為「廣東人」啦！但《牛津字典》只說是「南中國的一種中國語」，即「廣東話」或「粵語」咋！而不作「廣東人」解！

《牛津字典》收錄的中國境內「同胞」，除「香港人」和廣義的「華人」Chinese外，就只有Taiwanese（台灣人）和Mongolian（蒙古人）。而「Shanghai」作動詞的時候（加上ing，即Shanghaiing），便是「誘騙」或「強迫」他人之意，唔係好嘢！

「China-man」，仲衰，直譯「中國佬」，但帶負面意，幸好，高貴的《牛津字典》無收錄！

有文化人指一個地區字後加「ese」或「er」，雖同解「××人」，不過含義上仍有分別的：「ese」的，多指一個民族，例如Vietnamese（越南人），Nepalese（尼泊爾人），而字尾「er」的，則是城市人，即如New Yorker（紐約客）、Londoner（倫敦人），所以，我鍾意「Hong Kongese」多啲，因「香港一族」，有「本土化」的意味，不是那些阿豬阿狗隨便攞住個身份證，就當自己係「本地人」。

稱得上係「本土香港人」的，所思所想所有行為，一定要以香港利益為依歸，否則，佢哋只同「上海」動詞一樣，是「行騙」的「Hongkonging」而已。

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps