倒瀉嘢真係好論盡，民政事務局局長政治助理Caspar徐英偉就因為唔小心將杯咖啡倒咗落自己部私家車度，搞到部車成陣咖啡氣味。話說佢尋日朝早去買咖啡，因為拎住一袋二袋，所以開車門時就將杯咖啡擺喺車頂。點知佢轉頭就唔記得咗杯咖啡，搞到開車時成杯咖啡從車頂天窗淋咗落嚟。Caspar話咖啡淋中嗰個位係太太平時坐開，好彩太太今日冇坐佢車，否則後果不堪設想。

大家會唔會好似徐英偉咁享受聞咖啡味樂趣呢？

Caspar話杯咖啡冇倒落太太度，真係好好彩，但佢都好驚會畀太太鬧，幸好太太淨係笑咗佢幾句啫。不過，佢因為要開工，所以倒瀉咖啡之後都未能即刻去洗車，只係自行簡單清理就算，但清理完之後架車都仲有陣陣咖啡香。雖然杯咖啡倒瀉咗冇得飲，但都可以一路揸車一路聞咖啡味喎！

第一手消息請下載on.cc東網iPhone/iPad/Android/Windows Phone Apps