前晚喺一個慈善首映禮見到趙世光嘅女兒趙式和，唔講唔知，原來佢平時好少入戲院睇戲，事關佢同老公鍾意留喺屋企睇電視，佢話：「因為我老公鍾意睇電視，我睇咗今屆奧斯卡頒獎禮，知道幾套熱門電影，諗住坐長途機時睇。」至於作為香港人，對於《一代宗師》未能獲獎係咪覺得可惜？佢就話：「少少，不過自己未睇，忙緊搞四個展覽。

除咗忙緊搞四個展覽外，趙式和仲抽時間籌辦慈善晚宴。

雖然平日已經忙到不可開交，但佢今年會再為成長希望基金出任主席，仲會搞連串嘅活動，包括喺六月十三號晚舉辦一個Gala dinner，當晚嘅主題係五十年代《Summer night dream》。佢又透露會搵一位歌星做新嘅大使，係邊個就唔講得住，佢當晚會表演唱歌，希望籌到二百萬元左右喎。

第一手消息請下載on.cc東網iPhone/iPad/Android/Windows Phone Apps