花場門口掛着一塊木牌，用油漆寫上「田香花園」。「個名其實無咩特別意思，有塊田，然後種花，啲花好香，就係咁﹗」陳偉明兩夫婦在內地農村長居多年，思想簡單，即使來港定居，誕下兩女一子，一家五口的生活也極為簡樸。

「成屋所有傢俬同電器，只係得呢個雪櫃係自己畀錢買﹗」陳太一臉愁容地說。原來放在枱櫃的電視機、電飯煲、熱水壺、洗衣機，以至屋裏的一枱一櫈，都是他們從街邊逐件檢拾回來，部分則是街坊街里好心送過來。

陳一家五口住在花場的貨櫃屋，連冷氣機也只是「裝飾品」。每次刮起風球，陳太都特別頭痛，「呢度一定水浸，搞到所有嘢都浸晒。」走進廚房，器具亦不多，只見放滿一堆堆木柴，「我哋唔用煤氣，執啲木返嚟燒柴煮，澆花啲水都係用井水。」說起三餐，陳太指向枱上的生菜、豆腐和豬肉，「幾廿蚊就搞掂o架啦﹗」

第一手消息請下載on.cc東網iPhone/iPad/Android/Windows Phone Apps