立法會資訊科技界議員莫乃光，早前飛咗去美國出席兩場研討會，之後又去咗麻省探定居當地嘅細佬同一個冇見成二十年嘅老朋友。不過，難得放大假，佢即時豪放起來，餐餐大飲大食不特止，仲要去到邊都揸住架車缺少運動，搞到漲咗幾個碼。佢話依家除咗塊面變得漲卜卜之外，一坐低仲會突咗成個肚腩出來，嚇到佢每次坐低就要縮埋個肚。其實佢今次行程唔單止食得多，連來回機票錢都有非牟利機構贊助，又食又拎，難怪肥晒返港喇！
莫乃光
