攝影發燒友兼做埋慈善嘅前港姐Olivia鄭文雅尋日出席一個活動，向學生分享攝影同紀錄片製作技巧。

鄭文雅遲啲會去北極影北極熊，笑稱同行嘅老公負責幫佢孭器材。

Olivia透露早前到墨西哥流浪一個月，藉此製作咗一段紀錄片，佢喺當地分別拍攝咗野生動物、瑪雅遺迹同一啲少數民族，當中最特別係拍攝到幾百萬隻專程由北美洲飛來墨西哥過冬嘅蝴蝶，佢今次仲用咗一首墨西哥歌曲套入紀錄片，佢解釋：「因為攝影唔單止有文化背景，有音樂同視覺藝術會更豐富。」

佢又透露七月會到北極影北極熊。問老公會否同行？佢笑住話：「老公當然會同行，否則無人幫我孭器材！」

第一手消息請下載on.cc東網iPhone/iPad/Android/Windows Phone Apps