SUN搞作：網絡小說：克里米亞是美國的
傳說中，克里米亞公投獨立，申請入俄，激起美歐反彈，美利堅國務卿漏夜致電普京，主張克里米亞是美國的，雄辯滔滔，讓我們欣賞一下他們的對話：
「喂，普生，你係咪玩到咁大先！民主自決呢種貨色，不嬲都係我哋獨家兜售喎！」國務卿氣沖沖道。
普京笑答：「家陣全克里米亞各界愛國同胞慶祝回歸，仲熱烈過97呀！美帝國憑乜說三道四，干預人哋內政啫？」
「咁你有所不知喇！克里米亞是美國的。」國務卿反駁。普京詫異：「吓？」「原因好簡單。」國務卿續道：「顧名思義，克里米亞係克里我本人的。」
「呵，呵呵，克里咪呀，你走啦，我唔想搞大佢。」普京聽後失笑：「咁貴國『阿咩嚟o架』同埋『新o架啵』兩國，其實都係廣東人嘅啦！」
