SUN搞作：SUN官場現形記：靠人不如食自己
旺角行人專用區被殺街，有樂隊轉戰行人天橋，夜夜笙歌，毗鄰居民難忍滋擾，惟有向食環署求助，點知食環署官員淨係識卸責……
居民︰真係好難頂，你哋可以點幫我哋？
官員︰我哋只係負責影響街頭衞生嘅阻街投訴，所以幫你唔到。
居民︰你咁即係推卸責任啫！
官員︰一係你搵消防幫手。
居民︰關消防咩事？
官員︰佢哋除靴、除戒指都肯出動，實幫到你啦！
居民︰你唔好老點我喎！
官員︰再唔係去搵漁護署幫手都得。
居民︰依家講緊人，唔係動物呀！
官員︰咁咪啱囉，狗吠擾鄰，分分鐘要搵佢哋，咁有經驗實幫到你！
居民︰@@#$#$%%^^&&
