城中鏡：鍾少權完成單車環台心願

Derek話路程雖然辛苦不過好滿足，仲話特登食多咗肉類，但係見佢比之前瘦咗唔少喎！佢話喺台灣平均每日踩車超過十個鐘，八日半就完成台灣環島單車行，佢話一個環島遊就歷盡四季，由氣溫得番幾度凍到震騰騰，到熱辣辣時超過三十度，仲要風吹雨打，連件雨褸都爛埋。佢又話過程專心踩車，沿路好少得閒睇風景，只係中間休息時先可以享受吓。

踩完車返嚟，Derek就忙到不亦樂乎，話說佢過檔永隆之後一直話要將分行變成多功能中心，搞咗十幾場地區分行講座之後，農曆新年喺總行大堂舉辦音樂會，三月頭仲喺總行搞埋大型投資講座，真係盡用舖位空間。