政壇：Twitter CEO遊上海惹揣測

今次係科斯托洛第一次去中國，但就只會去上海，據聞會見吓上海市官員、自貿區代表同埋一啲學者、學生。內地媒體引述發言人，話佢想多啲了解中國文化同中國繁榮嘅科技領域。

舊年上海自貿區籌建階段時，曾經有報道話中國可能會解禁Facebook同Twitter，但官方好快就否認呢個消息。Twitter都曾經明確咁否認佢哋近期會喺中國開設辦事處、接受中國法律規管。

一直以來，Twitter高層都淡化緊喺中國申請牌照開公司可能性，但對手Facebook態度鮮明好多，CEO朱克伯格就去過中國好多次，仲公開咁講進入中國、中國同世界相連，係佢嘅任務。