香港電視網絡圖「借殼翻生」夢碎後，主席王維基連日炮轟政府執法對人不對事，又點名要商務及經濟發展局局長蘇錦樑交代，尋日又話要去信畀佢。呢場糾紛到依家已擾攘幾日，期間只見通訊管理局主席何永謙率同辦公室嘅通訊事務高層應戰，蘇錦樑幾乎全程隱形，即使拆解港視涉博大霧等工作，都係由業界及中移動高層加把口代勞，塘邊鶴真係夠晒梳乎。
