政壇：Greg蘇現身拉隊歎雪花牛

啱啱講完周身火頭嘅商務及經濟發展局局長蘇錦樑（Greg蘇）連日冇喺官場現身，轉過頭就喺灣仔會展中心一間日式鐵板燒餐廳見到佢嘅身影，原來佢趁晏晝同啲同事去開餐，睇真啲，除Greg蘇外，仲有做咗新郎哥冇耐、佢嘅政治助理陳百里、佢嘅新聞秘書等，只見各人喺店內大歎鐵板雪花牛肉，開心鬆吓。Greg蘇話，知道呢間日本餐廳好出名，眼見同事們呢輪忙到好辛苦，所以諗住請幾位同事食餐鐵板燒，當做慰勞吓喎。