支聯會去年斥資九百七十六萬元購入尖沙咀一個商廈單位，作為永久「六四紀念館」，期望喺今年四月、即六四事件二十五周年前正式開館。不過，據聞支聯會中人近期好煩惱，皆因佢哋搞咗好耐都仲未搞掂裝修等細節。依家距離原訂開館日期得番約一個月，如果再咁拖落去，六四紀念館分分鐘趕唔切喺六四前啟用。據解釋，紀念館之所以遲遲未開始裝修，係因為喺設計階段用多咗幾個月。
